يوميات مفرووووس

[اميرة الاحزان]

يوميات مفرووووس



وأنا راجع من الشغل امبارح رأيت العجب العجاب ..

القهوة إللي في شارعنا ملموم عليها نااااس أمم أمم ..

و الواد حوده منزل مشاريب للركب ..

أكيد في ماتش عشان كده متسمرين أدام التليفزيون ..

أخدتني العزة بنفسي و قلت لما أروح أشوف إيه الحكاية؟

وماتش إيه دا إللي أبويا ما قاليش عليه إنه هيتذاع النهارده ..

روحت القهوة و يا ريتني ما روحت ..

الناس مريلين من كتر التتنيحة أدام التليفزيون ..

هو إيه اللي جرى يا هل ترى؟

إيه بقى إللي على التليفزيون بقى يا سيدي؟

بوس الواو قول للواوا صح

سيب الكخة يح ..

و الكلام الماسخ إللي مالوش لازمة دا ..

عشان كده الناس ملمومة .. دي مصيبة و حطت علينا

يا ربي بصراحة فتنة .. مينفعش نتفرج عليها مهما كان ..

دا حرام و الله إللي بيعملوه فينا دا ..

قلت لحوده: إيه يا حوده المسخرة إللي إنت مشغلها دي ..

إنت هتاخد ذنب كل الناس إللي قاعدة دي إن شاء الله

حوده: إيه يا سي مغاوري .. ما هي الناس مبسوطة أهي

و الحمد لله .. دا أنا باخد ثواب عشان أبسطهم

الدم غلي في عروقي وانفجرت فيه و قلت له:

إنت بتستهبل .. ترضى لأختك و لا مراتك و لا أي حد من عيلتك

يطلع في التليفزيون و يعمل العمايل دي

و الناس تقعد تتفرج عليهم كده؟!!

حوده اتحمشن و كإني جرحته في شرفه

و قال: إيه إللي إنت بتقوله دا يا سي مغاوري ..

أنا مراتي و أختي أشرف من الشرف و ميعملوش أمور المسخرة دي

مغاوري: يعني إنت بتعترف إنها أمور عيب و مسخرة

و مينفعش نشجع الناس عليها؟

سكت حوده وبص في الأرض و اتكسف على دمه حبتين

و قالي: بس دول لا مراتي و لا أختي يا عم ..

أهي واحدة جوزها و أخوها راضيين بكده هنعمل إيه يعني؟

أقهمه إزاي دا بس يا ربي ..

قلت له: لو إنت ساكت على إللي بيحصل دا أكيد

هيجي اليوم و مراتك و لا أختك هيحصل فيهم كده ..

فوق يا حوده .. فوق يا بني و بلاش الهيافة دي ..

شغلهم الأخبار .. ولا النشرة الجوية

ولا مسلسل عربي حتى يا شيخ ..

حوده قالي و هو مكسوف قال يعني بيتكسف أوى

و قالي: بس يا سي مغاوري الناس كده مش هتتلم على القهوة

.. أنا كده هطفشهم

إمتى تفهم يا حوده بس .. قلت له:

يا بني يطفشوا مهما يطفشوا .. هيروحوا فين يعني ..

مفش قهوة غيرك فاتحة في المنطقة ..

و بعدين الرزق دا بتاع ربنا.. هيلف هيلف و هيجيلك برضو ..

ما تغضبش ربنا يا حوده على حاجة ما تستاهلش أصلا

و ارض بقليلك و صاحب القهوة هيمنجهك أكيد بإذن الله

لما يشوفك محترم كده

حوده قعد يبص لي من تحت لتحت كده و كإنه مقتنع

بس مش قادر يعملها ..

و بعدين سبته و قلت له إنت و ضميرك بقى ..

بعد ما مشيت .. لقيت زعيق في القهوة ما يعلم بيه إلا ربنا

و قاعدين يشتموا في حوده .. بصيت ورايا لقيت حوده في وسطهم

و بيقولهم: خلاص القناة قفلت خلاص و مش هنشغلها دلوقتي

.. و يمكن ما نشغلهاش خالص ..

الناس قعدت تشتم في حوده و إللي مشي و رماله الفلوس

و إللي و إللي و إللي ..

يا رب ما تضعفش يا حوده و تشغل الهيافة دي تاني ..

أومال بنقول الشعب متنيل على عينه ليه ..

ما هو من المدخلات المنيلة على عينها إللي بتدخل دماغه ..

أم هند .. طلعت على الشقة و فتحت الباب و أسمع لك هيصة

و زمبليطة .. إيه يا ناس في إيه ..

البت حسنية أختي بترقص و أمي وبهيجة

بيصقفوا لها و التليفزيون شغال على نفس الأغنية ..

يخرب بيوتكم .. و البيوت اللي جنب بيوتكم ..

هو أنا أسيبها تحت و أقعد أوعظ في الواد ألاقيكوا عاملينلي

قاعدة فوق .. حسبي الله و نعم الوكيل

طبعا دخلت زعقت و قلت: إيه المسخرة

إللي إنتو مشغلينها دي ..

إزاي يا ماما تسمحي بالأغاني الخليعة دي

إنها تشتغل في البيت ..

أمي طبعا قامت لي .. ما هو أنا ما ينفعش أفشكل لها القاعدة

كده بالساهل .. و قالت لي: هو إنت و أبوك عليا ..

خلينا نفرفش شويه بدل الكتمة إللي في البيت دي ..

فلت لها بهدوء: يا حبيبتي يا أمي مينفعش ..

في حاجات بتغضب ربنا لما نشوفها ..

و في حاجات مينفعش نعلمها لأولادنا و بناتنا

لأحسن يبوظوا الدنيا لما يكبروا بالحاجات المقرفة إللي بندخلهالهم ..

و في حاجات مينفعش نعملها لأي سبب حتى لو عشان نفرح ..

الفرحة مش بالأغاني و الرقص يا ماما ..

خلي العيال يقوموا يذاكرولهم كلمتين الامتحانات على الأبواب

أمي وشها احمر و عينك ما تشوف إلا النور فتحت فتحة سودا

و قالت: بوريه منك إنت و أبوك .. هتجيبونا لورا ..

و فيها إيه لما نفرح شويه .. كل الرجاله كده ..

كلهم عاوزين النكد و يموتوا فيه .. … ..

و كل حاجة من إللي قلبك يحبها ..

أنا كل هدفي إن الفيديو كليبات دي هايفة ..

مفيهاش أي حاجة هادفة .. بتعلم قلة الأدب و الكلام الفاضي

و خلاص .. نقوم إحنا نعلم أولادنا إنهم يسمعوها

و يرقصوا عليها كمان .. أهو دا إللي مينفعش أبدا ..

أمي دي بجد بجد غريبة أوى ..

و فجأة جه سؤال في دماغي كده ..

هو إيه إللي بيخلي الأغاني دي تكتر و تكتر مع الوقت ..

أكيد إحنا كمتفرجين بنشجعها .. ما هو لو حصل مقاطعة عامة

و شاملة ليهم مستحيل كانوا هيكتروا بالطريقة دي ..

و كل من هب و دب و استحلى صوته يغني و خلاص ..

و المغنيات إللي ربنا يهديهم إللي بيغنوا بلبس مش لابسينه ..

حسبي الله و نعم الوكيل فيهم ..

فعلا لو حصلت مقاطعة للقنوات إللي بتذيع الأغاني الهايفة

دي هنوصل لحل جذري للمشكلة ..

العيب مش في اللي بيغني .. العيب في اللي بيسمع له ..

النهارده بقى و أنا راجع من الشغل .. عديت على القهوة ..

لقيته مشغل نفس الأغاني الهابطة دي و الناس مبحلقة

في التلفزيون هتاكله .. روحت لحوده و قلت له:

بقى كده يا حوده .. يعني بعد وقفتك الجدعة إمبارح

ترجع و تشغل الأغاني دي .. ليه يا حوده كده بس ..

رد عليا حوده و قالي : صاحب القهوة قالي شغل للناس

إللي هما عاوزينه .. إحنا عاوزين نلم فلوس ..

مش نربي الناس .. و الناس عاوزة كده


فعلا الناس عاوزة كده ..

و لا حوده و لا أنا ولا مليون زيننا

يقدروا يوقفوا الناس

عن الأغاني دي إلا لو كلنا اتحدنا

و وقفنا واقفة جامدة ضدهم ..

يا ريت الناس تقف واقفة جد مرة واحدة

في حياتها

و ما تخافش من حد و لا تخاف على الرزق

و تقول ..

إحنا مش عاوزين كده ..


منقووووووووول

ملحوظة

نشر اليوميات ...

متوقف على االاقبال




http://abeermahmoud07.jeeran.com/712-wait-AbeerMahmoud.gif

[أحـمـد صـافي]

القديرة :: أميرة الأحزان

للحكمة إشراقة و للإبداع تلألأ جميل التحليق كطير سلام إعتلى فوق الغمام

سلمت يمناك ِ على هذا الطرح الغاية في الألق , كنت هنا و تركت إعجابي

دمت ِ لنا بهذا العطاء اللأمحدود و بود و خير و الشريان النابض للملتقى
تحيتي

[اميرة الاحزان]

القدير / احمد صافى

عزفت بردك العذب ...

على جدار قلوبنا

كن دوما بالقرب



http://abeermahmoud07.jeeran.com/844-Eid-Greetings-AbeerM.gif

[الطير الحزين]

الرائعة والغالية & أميرة الأحزان


http://up.3ros.net/get-4-2010-3n7t9unk.gif

http://alsbtain.alatham.com/qatifoasis/upload//14277-2-775665917.gif

http://n4hr.com/up/uploads/593242b7cb.gif

[اميرة الاحزان]

الطير الحزيــــــــــــــــن

وقفة شكر لما انثال من عطرك هنا



http://abeermahmoud07.jeeran.com/863-Thanks-AbeerMahmoud.gif

[اميرة الاحزان]

من فضلك اطلع برة محيطى !!!!! (http://tagalyaat.blogspot.com/2009/12/blog-post_21.html)






http://1.bp.blogspot.com/_BEVozV0rqns/Sy-zYyPY3oI/AAAAAAAAATg/D8rJClyqdJw/s320/stand-out-in-a-crowd.png (http://1.bp.blogspot.com/_BEVozV0rqns/Sy-zYyPY3oI/AAAAAAAAATg/D8rJClyqdJw/s1600-h/stand-out-in-a-crowd.png)

صباح الخيـــر

ازيكم

من الزحام احدثكم

شايــفينـى ؟؟؟

انا الفوشيـــا الى هناك ده

ايــــوة

الى تايه وسط الناس الكتير دول


حاجة غريبة جدا

انك تلاقى الناس قريبين


اوى منك لدرجة التلاحم



كان زمان فى حاجة اسمها محيط الفرد


اللى هو المسافة الى تبعدك عن الأخر


لما تتعامل معــاه ،


ده من باب الاحترام و الاتيكيت


و حفظ خصوصيات الافراد



لكن دلوقتى


اختفى المحيط


واختفت الحدود و الخصوصية


وتلاقى الناس ماشية تخبط فيك



و ممكن تعدى من خلالك


و كأنك اللهو الخفـى


بجد حاجة تضـايق و تعصب

[اميرة الاحزان]

دايما بتشتكي يا ابن آدم

من الظلم و الجور ..

قوم بص لحالك و لف و دور ..

هتلاقي في الأساس حياتك مشكلة ..

عاوزاك تصلح فيها و تبدأ تثور ..


خدها مني نصيحة


"إن الله لا يغير ما بقوم حتى يغيروا ما بأنفسهم"

&
&
&


- يا ماما عاوز التليفون بقى

دا أنا كنت مخنوق من إللي عاملاهولنا أمي من فترة

مش بعيدة .. عاملة حظر تجوال على التليفون ..

و كل دا بسبب الهوسة إللي طلعت لنا فجأة

بتاعة مسابقات 0900

.. والغلابة أمثال أمي بيصدقوا و يشتركوا ..

المرة دي أمي بتتصل بمسابقة كرومبو ..

و مصرة إن حمبوزو هو إللي سرق و لازم يتعاقب

بإن أمي تتصل بكرومبو و تقوله مين إللي سرق الكيكة ..

و المصيبة إننا مينفعش نستخدم التليفون لأي سبب كان

.. لييييه؟ أقولكم يا شاطرين ..

لإن أمي متخيلة إن ما بين مئات الناس إللي بيتصلوا

هيتصلوا بيها هي بالذات و يقولولها : مبروك يا مدام ..

الأستاذ حامل .. قصدي اسمك طلع معانا في السحب ..

و المصيبة اللي أكبرمن كده إننا سمعنا إن المسابقات دي حرام

و تعتبر قمار لإن كل واحد بيتصل بيتاخد منه جنيه و نص تقريبا

حق المكالمة و بالسحب في حد بياخد الجايزة ..

طب ليه يا أمي كده بس؟ .. حاجة تمخول الواحد بصحيح ..

أبويا بقى ما أقولكوش .. بقاله فترة فاتورة التليفون بتيجي

مولعة نااااااااار.. وهو ميعرفش إن أمي مهووسة بالمسابقات إياها ..

فدايما بيتهم البت أختي بهيجة إنها السبب لإنها رغاية

و بتتصل بزميلاتها إللي في الثانوي ..

بنات مايصة و عايزة الزك على دماغها .. و دا كلام بابا طبعا ..

أمي ربنا يهديهالنا ..

كل ما تطلع مسابقة جديدة تتصل بيهم و تحط اسمها ..

و تقعد يجي ربع ساعة على التليفون لحد لما يجيها الرد ..



مش حرام الفلوس دي يا أمي .

و بعدين في حد عاقل يشترك في مسابقة لسرحان و نفيسة ..

دا حتى الاسم مش رومانسي بالمرة ..

تقريبا أمي عارفة بمشاعر أبويا تجاهها و إنه سرحان فيها

و نفيسة إنه يقضي عليها زي سرحان بتاع المسابقة ..

أمي مصرة إن نفيسة ما ماتتش بسبب ان سرحان ما فكش

أصلا المسمار بتاع عجل العربية دا اتهيأله كده ..

و طبعا إخواتي كان ليهم رأي آخر إن أساسا

دي مش عربية دي موتوسكل ..

شوية في شوية بقوا إخواتي هما إللي يتفرجوا على التليفزيون

و يتابعوا المسابقات إياها و يقولوا لأمي على النتيجة ..

إللي يقهرك و يجيبك ورا إن المسابقات دي غالبا بتكون ضحك

ع الدقون .. يعني يضحكوا على الشعب الغلبان

عشان ياخدوا فلوسه .. تخيل لو مليون واحد اتصل بيهم

بس لمدة دقيقة واحدة بالتمام و الكمال ..

هياخدوا مليون جنيه و هما قاعدين مبطخين …

و كذا واحد من أصحابي لما بيتصلوا بأي رقم 0900

بيلاقوا العجب .. يدفعوه 15 جنيه مثلا عشان ينزل نغمة

و لا ينزل لعبة و في الآخر كمان ما ياخدهاش ..

طب بالله عليكم دا كلام يخش العقل ..

و إللي شجعهم إنهم يطلعوا الطلعة دي علينا

إننا مساعدينهم و بنتصل بيهم و بنقولهم اكتروا ..

لكن لو فجأة كده أخدنا موقف معاهم كلهم مفيش نصابين

هيطلعولنا تاني ..

و إيه حكاية بايرة دي .. واحدة جايه تجوز الناس و الهدية شبكة

للعروسة بعشر آلاف جنيه .. بيضحكوا على أحلام الناس و الله ..

و التانية الجديدة النغة إللي اسمها أماثل ..

بتجيب أمثال تشل و الله ..

واحدة جوزها طلع متجوز عليها يبقى المثل

“يا قاعدين يكفيكوا شر الجايين”

و لا “يا مأمنة للرجال يا مأمنة للمية في الغربال” ..

تصدقوا “القرد في عين أمه غزال”

هو كرومبو دا ظهر من هنا .. و عاديك ..

كل واحد عارف له حبتين جرافيكس يعمل إعلان

و يكسب الشهد من وراه .. و تطلع مؤسسات كبيرة

بتقوم على الكذب و النصب زي كده ..



أو تقوم على القمار و العياذ بالله .

أمي ربنا يخليهالنا و يخليها للمسابقات العالمية و المحلية ..

مقتنعة إنها لما تشترك في المسابقات دي يمكن تيجي ضربة حظ

و نكسب مليون جنيه بقى و إيييييييه ..

و نقب على وش الدنيا زي ما بتقول ..

لكن الحقيقة إنها بتخدع نفسها و أبويا مش عارف بالمصيبة دي

..بس أكيد هيعرف آجلا أو عاجلا .. و قد كان ..

مرة أبويا جه من الشغل بدري لقى أمي ماسكة التليفون

و بتاكل في ضوافرها .. و التليفزيون شغال على مسابقة

“مين إللي أكل الموزة” .. أكيد القرد يعني يا فكيك ..

بس أبويا شاف المنظر دا و عادييييييييييكم ..

عينكم ما تشوف إلا النور .. فجأة الدنيا غيمت و صراخ و نباح

و عواء من جميع الأطراف المحشية ..

بقى إنتي السبب في فاتورة التليفون الضخمة دي ..

منك لله يا شيخة .. دا أبويا

و إنت مالك إنت أساسا .. مش دا كله عشان نطلع شويه

من القمقم إللي إنت حابسنا فيه .. دي أمي

و تطاول البحث و النقاش و الجدال .. و انتهينا في الآخر

في قسم المنطقة .. لإن أمي أخدت 3 غرز في وشها

و أبويا أخد واحد و عشرين حقنة في بطنه ..

و من هنا يا سادة قام أبي الفاضل بمنع 0900

من التليفون عندنا في البيت .. و ذلك لأمرين مهمين جدا :

أولا بسبب الفاتورة المنيلة على عينها .. ث

انيا بسبب إنها حرام و مينفعش نربي عيالنا على القمار ..

و إحنا قاعدين مرة بنتفرج على التلفيزيون جه إعلان من إياهم

بيقولك “من هو البطل إللي قام بمسلسل

لن أعيش في جلباب أبي” .. هل هو “عمر الشريف“

و لا “نور الشريف” و لا “صفوت الشريف” ..

بعد ما انتهى الإعلان فجأة لقينا أمي انسحبت و دخلت على الأودة

و مسمعنالهاش صوت يجي ثلث ساعة كده ..

أبويا قالي : يا مغاوري يا بني روح شوف أمك مالها ..

لأحسن أنا شاكك إنها بتعمل مصيبة

دخلت على أمي الأودة لقتها ماسكة موبايل أبويا ..

و بتقولي: أبوك فاكر إنه هيمنعني .. بس على مين ..

صدق إللي قال .. يموت الزمار و صوابعه بتلعب ..


http://abeermahmoud07.jeeran.com/693-Follow-AbeerMahmoud.gif

[نيفين جهاد]

غاليتي : اميرة الاحزان
يوميات حقا ً يجب الوقوف عندها ونرجو من اصحاب الشأن النظر فيها والاصلاح
الا انني اعلم انه ... لا حـيـاة لـمـن تنـادي ...
مشكوووووورة والله يعطيك الف عافيه
طرح راقي ومميز
بانتظار جديدك الألق
دمت برعاية الرحمان

[اميرة الاحزان]

الفاضلة / نيفين جهاد

@4@ هنا اعلن الافتخار....

وارفع اعلام الاعتزاز wesaam

بوجودك الملكي...wsaam

يسعدني رقي مرورك الساحر

ونثر درر الزاهيه في متصفحي...

@5@ زدتي كلماتي... نورا

وموضوعى تألقا @25@

[اميرة الاحزان]

http://abeermahmoud07.jeeran.com/706-Back-AbeerMahmoud.gif


كنت راجع من الشغل في يوم ..
لقيتلك الحاج حنفي قاعد على القهوة كالعادة ..

أنا بقى باحب الراجل دا أوى و الله ..
أصله بيفكرني بعبد الفتاح القصري ..
حتى اسمه حنفي زي فيلم ابن حميدو

رغم إني ما اتكلمتش معاه كتير ..
و معرفش عنه إلا القليل يعني .. بس بحبه لله في لله ..

المهم .. لقيته بيندهلي عشان يسلم عليا ..
قلت طبعا دا واجب .. روحت قاعد معاه على القهوة ..

كان هيطلب لي شيشة .. بس فهمته إني ما باشربش دي طبعا
أنا ما باشربهاش عشان حرام ..
بس لو قلت له كده ممكن كان يهب فيا و هنمسك في خناق بعض ..
لإنه راجل على أده يعني .. فقلت له عشان الحساسية بقى و الكلام الكبير دا
.. راح طلب لي واحد شاي وطلب لنفسه شيشة كوكتيل ..

قعد يشكر فيا .. و يقولي دا إنت الشاب الوحيد إللي باحس إنه محترم ..
لكن الجيل دا كله بايظ و مالوش لازمة ..
و قعد بقى يحكي لي على عياله و إزاي إنهم بيسهروا لحد وش الفجر
على التليفزيون .. و كل ما يزعقلهم يشغلوه من وراه ..
و إللي بيسمع أغاني هاوساه .. و إللي ماشي له مع بت مش عارف لقاها فين .. جيل خايب و بايظ .. طبعا دا كلامه هو مش كلامي أنا

شويه و جاله ابنه الكبير .. واحد شحط كده من بتوع كمال الأجسام ..
طول بعرض بارتفاع بانتفاخ برضو .. عنده كرش الله أكبر من هنا للسلوم عدل ..
قال إيه يا خويا .. جاي يقوله يا بابي أنا عاوز فلوس عشان خارج مع أصحابي ..
يا نهار مش فايت .. الشحط دا عاوز فلوس .. ؟
أنا بدأت أصدق إن الجيل دا فاشل فعلا .. بس أنا من الجيل دا ..
أومال مش حاسس بالفشل ليه؟!!

طبعا عم حنفي الله يخليهولي ما سابنيش إلا لما فهمني
الواد ليه بياخد منه فلوس و بيقوله يا بابي

راح قالي عم حنفي: أصل ابني دا بقى اسم الله عليه ..
معاه شهادة كبيرة أوى من الجامعة الأمريكانية .. آه ..
دا واد من بتوع بره يعني شغله نضيف ..
بس يا حسرة ما اشتغلش لحد دلوقتي .. داخل على الـ 30 سنة
و لسه ما اشتغلش .. فأنا باساعده بقى بإني باديله المصروف و حركات ..
أصل يا خويا ربنا كرمني بيه بعد 3 سنين من غير خلفة وعيال ..
فعشان كده تلاقيني مدلعه و باعلمه أحسن تعليم ..
شفته و هو بيقولي بابي .. يا سلام على بابي بتاعته دي ..
حاجة فانتاستيكيشن خالص .. يا ختي كمالة عليك يا سمعة

سمعة .. يا دي المصيبة .. و كمان اسمه إسماعيل ..
دا كان حقه يبقى اسمه هاني و لا تامر ..
أهي حاجة تنفع مع وقعته السودا دي ..

فسألت عم حنفي: طب و هو مش لاقي شغل ليه ؟ ..
يعني ممكن كان يشتغل في مصنع حضرتك و لا في المحلات .. أو ينزل يدور في أي حتة يعني ..

شاط عم حنفي و انتفض و قالي: سمعة ابني ما يشتغلش في أيتها شغلانة كده .. لا يا حلاوة .. دي الوظيفة إللي تعجبه هي إللي تجيله تحت رجله
و تقوله اشتغلني

و الله شكلك إنت إللي بتشتغلني يا عم حنفي ..
و تقولي جيل فاشل .. طب و إنت عاوزه ينجح إزاي؟!!

قصره .. شويتين و جه ابنه الوسطاني ..
أهو دا الوحيد إللي أعرفه أصله أدي في السن
يعني عنده تقريبا 23 24 سنة كده ..
بس طبعا كان جاي مسقط بنطلونه و فاتح صدره ..
قصدي زراير القميص يعني .. أنا من وجهة نظري دي بلوزة مش قميص بصراحة
.. و بيندغ لبانة بإهمال كده وحاطط نظارة شمس فيميه أسود سادة ..
و راح بيسلم عليا و عم حنفي بيقولي: دا بقى كمولة .. إنت عرفه طبعا

قلت له: و هل يخفي القمر .. طبعا عارفه ..

راح كمولة .. قصدي كمال يعني بيقول لأبوه أنا سهران النهارده بره
يعني ما تحاولش تسأل عليا لأحسن أنا هكون في سهرة صباحي

عم حنفي الله يعينه و يقويه على البلاوي السودا دي ..
دا لو حاسس إنه في بلوى فعلا بيقوله : يا حبيبي إنت براحتك ..
بس اديني ميسد لما تروح عشان ألحق أرجع أنا كمان

يا دي المصيبة .. هو عم حنفي عنده سهرة بره برضو ..
ربنا يستر على الأجيال دي بجد .. و إزاي عاوزينهم ينجحوا
و لا يطلع منهم حد محترم ..

شويتين و جه ابنه الصغير .. بصراحة ..
أنا قلت أنسحب قبل ما يجيلي انهيار عصبي ..
الواد ماسك الموبايل في إيده و الإيد التانية شنطة زي ما يكون رجل أعمال ..
اتضح في النهاية إنها لاب توب .. يخرب بيت اللي يزعلكوا يا شيخ ..
و نسخة طبق الأصل من أخوه كمولة دا راخر ..

و في الآخر يقولي الجيل فاشل .. أومال إنت عاوزه يطلع إيه ..
سايب لهم المال على السايب .. و إلي عاوز يعمل حاجة يعملها ..
و إنت أساسا انسان مش مظبوط .. و في الآخر هما الغلطانين ..
دول مش لاقيين حد يربيهم أساسا ..
دا شويتين و يقولي المدام في الديسكو يا بني
فأنا هاروح عشان ألحقها بالعربية ..

بعد صلاة العشا .. اصحابي من أيام الجامعة كانوا عاوزين يتقابلوا ..
قلت لما أخدها فرصة و أروح أسلم عليهم .. و أرفه عن نفسي شويه ..
استأذنت الحاج و الحاجة و قلت لهم مش هغيب ..
يعني مش هاخدها سهرة صباحي يعني زي ولاد عم حنفي …

قابلت أصحابي في مؤمن .. و قعدنا نحكي أخبار بعض ..
طبعا بقالنا قرن ما نعرفش عن بعض حاجة إلا القليل .. و يا للعجب ..
شفت إللي محدش شافه

اكتشفت إن واحد منهم أبوه جاله عقد عمل في الإمارات
و طلق أمه و الأم راحت اتجوزت تاني ..
و الواد قاعد لوحده في بيت طويل عريض ..
و مقضيها شرب مخدرات و خمرة .. و طبعا الوالد بيحول فلوس
كل أول شهر متخيل إنه بكده بيسعد ابنه و مش حارمه من حاجة ..

و إللي ماشي مع بت كده معرفش اتلم عليها منين
و عاوز يكتبها ورقة عرفي .. و لما ما رضيتش سابها لحد لما جت و اترجته
إنهم يكتبوا الورقة العرفي .. و قال إيه بى معجب بنفسه
لإنه حمش و خلاها تسمع كلامه في الآخر ..
و بيفرد علينا عضلاته على أساس إننا عيال خيخة بقى مش مصاحبين ..

وإللي عايش بالرشاوي في شغله عشان أبوه معلمه إن التجارة شطارة
.. و إللي عايش بالظلم و الجور عشان الدنيا كلها ماشية كده ..

و إللي عايش .. و إللي عايش …

و منهم إللي مش عايش أساسا ..
و إللي مش عايش دا بقى ..
إللي ربنا كارمه بشويه دماغ بس مش لاقي حد يهتم بيه ..
عنده أفكار كتيرة في تنمية تجارة البلد و الاهتمام بيها ..
عنده أبحاث طويلة عريضة و عاش عليها في سنين الكلية
و السنين إللي بعد الكلية .. لكن يا ولداه .. محدش عاوز ياخد حاجته ..
و محدش مهتم حتى بإيه إللي اخترعه و بحث عنه و عمل مجهود عشانه ..
عشان كده مش عايش .. و ساب الدنيا كلها واتقوقع على نفسه …

أنا اتصدمت بالواقع ..

هما دول الشباب إللي أبويا كان بيقولي جيلكم
دا إللي هيرفع علم الأمة العربيةو الإسلامية في فلسطين ..

و هو دا الجيل إللي أبويا قالي إنه هيغير من الآفات السيئة
إللي في مجتمعنا ..

العيب مش على الجيل يا خوانا ..
العيب على
إللي سايب الجيل دا و مش مهتم بيه ..

العيب على الأب
إللي سافر و ساب عياله عشان
يجيب لهم العربية الهامر و القصر العالي ..

العيب على الأم
إللي أهملت في عيالها و سابتهم من غير تربيه ..

العيب على التعليم
إللي مش مهتم بالأخلاقيات أد ما مهتم
يخلص المناهج في وقتها ..

العيب على المؤسسات ورجال الأعمال
إللي همهم على الفلوس
أكتر من المساعدة على القضاء على مشاكل أولاد أمتنا ..

العيب على حاجات كتير
بس إحنا مش واخدين بالنا منها ..

لو كل واحد اهتم بس بأسرته ..
كان زماننا دلوقتي أعظم شعب في الدنيا كلها …


قلت في عقل بالي:
لو كل واحد قام بمسئوليته على أكمل وجه ..
كنتو لقيتو شباب أحسن من كده ..
لا تلوموا إلا أنفسكم

http://1.bp.blogspot.com/_BEVozV0rqns/Sy-zYyPY3oI/AAAAAAAAATg/D8rJClyqdJw/s320/stand-out-in-a-crowd.png (http://1.bp.blogspot.com/_BEVozV0rqns/Sy-zYyPY3oI/AAAAAAAAATg/D8rJClyqdJw/s1600-h/stand-out-in-a-crowd.png)