أكرم عطوة
10-23-2010, 11:51 AM
قصة حب حزينة
(أول لُقا ..)
إيدي من غير قصدْ
لامستْ إيدو
طار القلبْ منّي
وهدّا على إيدو
مين ياترى طيّرو ؟
ومين ياترى يعيدو ؟
بعد ما حبّي إلو
زهّر عناقيدو
(آخر لُقا ..)
إجا قبل العصرْ
جايب معو نَسمةْ
وراحْ بعد العصرْ
قبلْ ما تجيْ العَتمةْ
راحْ بعدْ ما شرِبْ
فنجانو
راحْ وفي كلمةْ
على لسانو
راح بس تركْ من غيرْ قَصدْ
رَسمةْ
رَسمةْ عَ طرفْ فنجانْ
مِرتِسْمةْ
رَسمةْ رَسمْها
وأخد من قلبي ألوانو
لمّا إجا قلبي ..
على تـمّو
ليسمعو ويحكي معو
ويبوسو .. ويشمّو
راح .. وتغيرْ بعدْ ماراحْ
عنوانو
وهالقلبْ يبكي ويقول:
يامحلى زمانو
(بعد عشرين سنة ..)
قلبي احترقْ لمـّا
عِرفْ أَحوالو
ووينْ هالزمنْ حطّو
من بعد ما شالو
يا ترى هلّيْ مضى
بعدو على بالو ؟
ولّلا الأسى نَسَّا
و الحلو ما عاد يحلالو ؟
(أول لُقا ..)
إيدي من غير قصدْ
لامستْ إيدو
طار القلبْ منّي
وهدّا على إيدو
مين ياترى طيّرو ؟
ومين ياترى يعيدو ؟
بعد ما حبّي إلو
زهّر عناقيدو
(آخر لُقا ..)
إجا قبل العصرْ
جايب معو نَسمةْ
وراحْ بعد العصرْ
قبلْ ما تجيْ العَتمةْ
راحْ بعدْ ما شرِبْ
فنجانو
راحْ وفي كلمةْ
على لسانو
راح بس تركْ من غيرْ قَصدْ
رَسمةْ
رَسمةْ عَ طرفْ فنجانْ
مِرتِسْمةْ
رَسمةْ رَسمْها
وأخد من قلبي ألوانو
لمّا إجا قلبي ..
على تـمّو
ليسمعو ويحكي معو
ويبوسو .. ويشمّو
راح .. وتغيرْ بعدْ ماراحْ
عنوانو
وهالقلبْ يبكي ويقول:
يامحلى زمانو
(بعد عشرين سنة ..)
قلبي احترقْ لمـّا
عِرفْ أَحوالو
ووينْ هالزمنْ حطّو
من بعد ما شالو
يا ترى هلّيْ مضى
بعدو على بالو ؟
ولّلا الأسى نَسَّا
و الحلو ما عاد يحلالو ؟