د. محمد عبد المطلب جاد
09-04-2010, 01:48 AM
انبشينى
حركى المكبوت فى نفسى
فجرى المخزون فى عينى
انبشينى عشان اصفى
كل أحزانى وأنينى
حركى جدار المآسى
ومن همومى فرغينى
انكشينى بإيد قويه
فَتِّتِى كل اللى فيَّا
صَفِّى أوجاعى الرضية
وبحنانك إغسلينى
**
انبشينى عشان افجَّر كل حاجه جوه قلبى
مُرَّى زى النسمه ناديه ، وامسحى همى وكربى
افتحى باب النسايم طُلى على قلبى اللى صايم
وافتحى بابه وقولى له : قول لى على كل المخبى
وادخلى قلبى يا نور عينى ،وجواه استخبى
**
انبشينى ، لما قولتى
واحشنى) شوفى ازاى فتحتى
بحر حبى فاض وغرق
نفسى من فوقى لتحتى
انبشينى بكلمة ثانية
انبشينى لو سمحتى
بس نفسى اعرف يانور
عينى: اما فاض حبى فرحتى ؟
نفسى اكون فرحه فى عينك
تبتسم مطرح ما روحتى
**
انبشينى انا قلبى شايل صبر كل المحرومين
افتحى لى باب صغير ، انبشينى بكلمتين
انبشينى وقولى: إن الله خلق
فى الدنيا بدر ملوهش قيمه
وانه لما مسِّنى نوره وخدنى
للسما كان شُغْل سِيْمَا
وانه لما حط جوايا الأمل
وادانى من روحه الرحيمه
وانه لما حطنى فى النور على عين الملأ
ما كانش من نفسه العظيمه
إفرسينى
خلى قلبى يحكى مين عَمَلِتْ له قيمه
**
مين يا نور عينى اللى خللى
روحى ترجع لى وعقلى؟
مين دفعنى للسما وكان عليَّا زى أهلى؟
كل ده فعــــــلا مهـــــــوش تخطيطك انتى
دى يا نور عينى حكايه سر
وانتى اللى بدأتى
تسمحى لى بالحكايه
وابتدى من شهر رمضان اللى قبل
ما يطلع البدر ف سمايا
اسمعى منى الحكايه :
فوق ما عندى واللى بيَّا
وفوق أسايا وفوق شقايا
وانتى عارفه حاجات كفايه
ف شهر سبعه اترقى واحد من ولادى
اترسم ولقيته عاوز يبقى سيدى
جهز الكرباج جلدنى
وكل يوم يقعد قصادى
يفترى وانا قلبى يولع
بين ضلوعى وهوه عادى
وابتدا شهر الصيام
كانت السجاده تغرق من دموعى
فى صلاتى للتراويح والقيام
كنت بادعى يفك كربى أو ياخودنى
كنت باطلب حد فى الدنيا يساعدنى
والطريق مقفول فى وشى
لجنتى ظالمه وسيفها ما اترفعشى
حالفه ما ترد اعتبارى مهما جالها
وابنى ظالم عارف القصه بحالها
كل يوم تنبل سجادتى ف صلاتى
شهر ما شوفته ف حياتى
وانفتح باب السما
هيه ليلة القدر، ليه لأ ، ربما
تبتدى قصة قطر والكتاب اللى اتنشر
http://www.teachers.net.qa/content/curriculum_standards/detail/781
بعد ظلم سبع سنين ع الوجه ده
والوجه ده ،رق القدر
فاز الكتاب ع العالم العربى اللى
كان فى لجنتى موش معتبر
باقى الحكايه تعرفيه لأنه تم ف
إيدك انتى كل تدبير القدر
الوقتى انا عندى يقين
ان الرضا ونصرى المبين
وان اللقا بالطيبين
وان الحنان والعطف كانوا مدبرين
وان الدموع من عين سجين
كانت ف إيد رب البشر
بصى عليه وفكرى:
انا كنت ايه؟ وبقيت ف ايه؟
وكل دا كان يجرى ليه؟
وبردو لازم تسألى:
هوه الجدع ده سره ايه؟
إيه اللى فيه؟
أنا نفسى باغرق فى تأمل رحلتى
وافضل أقول واحكى لنفسى قصتى
من يوم ميلادى وكنت طفل فى لفتى
وصوابعى أكلتها الفيران
وامشى بها من نار لنار
واوصل بها ليوم الجحيم
والقى فى آخرها الطوفان
والقى النفق فى نهايته نور
صحيح انا عايش مريض
بس ف هنا وغاية السرور
عشان بنام واصحى فى نعمة ربنا
وعندى قلب بطوف على حبه وادور
يا لله افرسينى وقولى قلب ملوش حضور
وحياة حبايبك مرة تانيه تنبشينى
انبشينى عشان اوشوش
نن عينى
**
د. محمد عبد المطلب جاد
أستاذ سيكولوجيا الإبداع – جامعة طنطا
حركى المكبوت فى نفسى
فجرى المخزون فى عينى
انبشينى عشان اصفى
كل أحزانى وأنينى
حركى جدار المآسى
ومن همومى فرغينى
انكشينى بإيد قويه
فَتِّتِى كل اللى فيَّا
صَفِّى أوجاعى الرضية
وبحنانك إغسلينى
**
انبشينى عشان افجَّر كل حاجه جوه قلبى
مُرَّى زى النسمه ناديه ، وامسحى همى وكربى
افتحى باب النسايم طُلى على قلبى اللى صايم
وافتحى بابه وقولى له : قول لى على كل المخبى
وادخلى قلبى يا نور عينى ،وجواه استخبى
**
انبشينى ، لما قولتى
واحشنى) شوفى ازاى فتحتى
بحر حبى فاض وغرق
نفسى من فوقى لتحتى
انبشينى بكلمة ثانية
انبشينى لو سمحتى
بس نفسى اعرف يانور
عينى: اما فاض حبى فرحتى ؟
نفسى اكون فرحه فى عينك
تبتسم مطرح ما روحتى
**
انبشينى انا قلبى شايل صبر كل المحرومين
افتحى لى باب صغير ، انبشينى بكلمتين
انبشينى وقولى: إن الله خلق
فى الدنيا بدر ملوهش قيمه
وانه لما مسِّنى نوره وخدنى
للسما كان شُغْل سِيْمَا
وانه لما حط جوايا الأمل
وادانى من روحه الرحيمه
وانه لما حطنى فى النور على عين الملأ
ما كانش من نفسه العظيمه
إفرسينى
خلى قلبى يحكى مين عَمَلِتْ له قيمه
**
مين يا نور عينى اللى خللى
روحى ترجع لى وعقلى؟
مين دفعنى للسما وكان عليَّا زى أهلى؟
كل ده فعــــــلا مهـــــــوش تخطيطك انتى
دى يا نور عينى حكايه سر
وانتى اللى بدأتى
تسمحى لى بالحكايه
وابتدى من شهر رمضان اللى قبل
ما يطلع البدر ف سمايا
اسمعى منى الحكايه :
فوق ما عندى واللى بيَّا
وفوق أسايا وفوق شقايا
وانتى عارفه حاجات كفايه
ف شهر سبعه اترقى واحد من ولادى
اترسم ولقيته عاوز يبقى سيدى
جهز الكرباج جلدنى
وكل يوم يقعد قصادى
يفترى وانا قلبى يولع
بين ضلوعى وهوه عادى
وابتدا شهر الصيام
كانت السجاده تغرق من دموعى
فى صلاتى للتراويح والقيام
كنت بادعى يفك كربى أو ياخودنى
كنت باطلب حد فى الدنيا يساعدنى
والطريق مقفول فى وشى
لجنتى ظالمه وسيفها ما اترفعشى
حالفه ما ترد اعتبارى مهما جالها
وابنى ظالم عارف القصه بحالها
كل يوم تنبل سجادتى ف صلاتى
شهر ما شوفته ف حياتى
وانفتح باب السما
هيه ليلة القدر، ليه لأ ، ربما
تبتدى قصة قطر والكتاب اللى اتنشر
http://www.teachers.net.qa/content/curriculum_standards/detail/781
بعد ظلم سبع سنين ع الوجه ده
والوجه ده ،رق القدر
فاز الكتاب ع العالم العربى اللى
كان فى لجنتى موش معتبر
باقى الحكايه تعرفيه لأنه تم ف
إيدك انتى كل تدبير القدر
الوقتى انا عندى يقين
ان الرضا ونصرى المبين
وان اللقا بالطيبين
وان الحنان والعطف كانوا مدبرين
وان الدموع من عين سجين
كانت ف إيد رب البشر
بصى عليه وفكرى:
انا كنت ايه؟ وبقيت ف ايه؟
وكل دا كان يجرى ليه؟
وبردو لازم تسألى:
هوه الجدع ده سره ايه؟
إيه اللى فيه؟
أنا نفسى باغرق فى تأمل رحلتى
وافضل أقول واحكى لنفسى قصتى
من يوم ميلادى وكنت طفل فى لفتى
وصوابعى أكلتها الفيران
وامشى بها من نار لنار
واوصل بها ليوم الجحيم
والقى فى آخرها الطوفان
والقى النفق فى نهايته نور
صحيح انا عايش مريض
بس ف هنا وغاية السرور
عشان بنام واصحى فى نعمة ربنا
وعندى قلب بطوف على حبه وادور
يا لله افرسينى وقولى قلب ملوش حضور
وحياة حبايبك مرة تانيه تنبشينى
انبشينى عشان اوشوش
نن عينى
**
د. محمد عبد المطلب جاد
أستاذ سيكولوجيا الإبداع – جامعة طنطا