الرد على مجد ابو سرور ...الحماه ..والكنه ..بصوت الام ...بقلم محمود العمور

[مجد ابو سرور]

ما بدي أقلك حط المصاري بكمك
واكسب أبوك وامك
ولا بدي أقلك خلفتك وتعبت بحملك
ولا بدي أقلك لولاني قد حالي ما جوزتك
يا مقلعط وما لقيت حدا يلمك
****************

هسا جاي تهددني لترضي الشرشوحة
لك عند إمها كانت مكسورة مجروحة
وخدامه عند أصغر أخ إلها وبالشغل مذبوحة
ولأبوها أول ما يقول خضــ وما يكمل اسمها
وتفزززز عطول حيلها نعم يابااا مثل البنت السموحة
*****************

ولككككككك ااااخ شو أقووووول

ما يجي الليل وتمد حالها عالفرشة مثل المطروحة
وتنام يا ويلي مثلها مثل سيرلانكية من الظلم مجروحة
والي بسطح لما إمها تتبجوك و تقول هاي دلوعتنا المملوحة
أي دلع وهي بنتك عندك ع راسها بالصرمة المسطوحة
**************************

وصارت عندي بدها تتمطط و تنام للظحى العالي
تعودت يما على الكولا والمخلوطة وسهر اليالي
وتدلع كأنها بنت فرير وتمشي وراسها في العلالي
وبدها تتغندر وتتبندر والحومره عالشفايف بتلالي
صار الغسيل والطبيخ عليها ثقيل يا بختي يا دلالي
نسيّت مرتك وهي بنت لما كانت تتشعبط وتلقط دوالي
ونسيت خرط الزتون وع جريها تقّطع سهول وجبالي
يا إبني أنا بدي مصلحتك خوف ما تركبك وتصير عليك خيالي
المره ما بتنعطى وجي وخليك زلمة والا بتعيش بظلالي

[أسامة أحمد]

شكراً جزيلاً لك يا مجد ابو سرور... على ما قدمت لنا من فائدة و روعة
تنحي الأقلام شكرا ً امام ما نورتنا به
و ما تبذلة من جهود مميزة للإرتقاء بهذه الملتقى المعطاء
تحياتي العاطرة

[أحـمـد صـافي]

الشاعر المتألق // مجد ابو سرور

لقد أسعدت بقراءة نصك الجميل , رسمت الإبتسامة على وجهي

من جمال روحك نسجت لنا رائعة من روائعك التي تحمل

في طياتها حكمة غاية المضمون و المعنى نقشتها على جدار الحياة

سلمت لنا على ما خطه قلمك الراقي و اسجل إعجابي

دمت لنا بود و خير , مع وافر الاحترام و التقدير
تحيتي

[نيفين جهاد]

الشاعر مجد مشكور
الله يجزيك الخير نسجت فابدعت
راق لي ما خطه قلمك الراقي
تحياتي و احترامي لك دوما

[خولة الغرياني]

أسعدك الله بكل خير
نسج قصصي شعري غاااية في الرووعة
اليوووم وقفنا مع الأم وقبلها بلحظة كنا مع الكنة وحسسنا أنها مظلوومة :)
بس الحق طلع على مين :)
في كل يوم و في كل لحظة قصة الكنة والحمااة هي أغنية الزمن الذي لا يمووت
حقااا راائع جدا ما جدت به
تحياتي على الألق الذي يرافق صفحاتكم
لك تحياتي العطرة
وود يليق

[ميرنا اسماعيل]

الشاعر القدير / مجد أبو سرور

تقديري العميق لك ولهذا التبادل الأدبي رفيع المستوى بينك وبين الشاعر محمود العمور ,,,,

فلقد سعدت بالتواجد هنا وقراءة هذه الكلمات الجميلة

تحياتي الوردية لك ودمت برعاية الله وحفظه ,,,,

مــيرنااااا